الفساد غي الاسكان والحالات الخاصة والمجاملات بالمستندات تأيف واخراج بدر البدور وحب العزيز وفاتنة الديوان وبطولة سيف بن ذي يزن

الفساد غي الاسكان والحالات الخاصة والمجاملات بالمستندات
تأيف واخراج بدر البدور وحب العزيز وفاتنة الديوان
وبطولة سيف بن ذي يزن

مشاركة أشعار عن الفساد في الاسكان في السويس

مدينة السويس
من زرب للهويس تئــن تثتغيــث
من حظها التعيس وصوتها الحبيس
وسيفها الجليــس بعرشها النفيـس
كأنــه الوتـــد والقلب والجسـد
من فعــله فسـد والصبر والجلـد
والخيـر والمــدد لن يأتي للبلـد
الناس في السويس والشعب في كمد
حبل من المســد من واحدٍٍ أحد
وخالقٍٍ صمـــد في جيد من عمد
أن يفسد البـــلد عهد بـلا أمد
عهد بـــلا أمـــد
******
لواءنا المظفــر ** وسيفنا المقـدر
بترتـنا وأكثـر ** جعلتنا كمنكــر
فبحــرنا مكـدر** وشطنا مسنكـر
وماءنا معكــر
وحظنا معسر ** وحظــكم ميسر
وحلمنا محطم ** وحلمكم مفســر
ودربنا مكسـر ** يا سيفنا المقـدر
*****
الخير في المواعظ ** بالشعر والملافـظ
ياسيدي المحافــظ ** ارجوك أن تلاحظ
وانظر بعين جاحظ ** من يملئوا المحافظ
في هذه البـــلاد ** وينشــروا الفساد
كأنهـم جــراد ** نراه في ازديــاد
في هذه المدينــه ** سويسنا الحزينــه
بلاءها الولاه
نريدهـم حمــاه ** للشعب أو رعـاه
فيصبحوا طغـاه ** لا خير او نجـاه
في هذه الحياه
ما دمت في السويس ستشرب الشقاء
واليأس والعنـاء** لا حـق أو رجاء
في شقة للإيواء ** أو جــرعة لماء
والخير والنمـاء ** أطلبه في السماء
من خالق السماء ** من خالق السماء
******
أرضي وأرض ابويــا وجدي
ح اكتب عنها وح انشر وحدي
اوعي تقوللي الأرض في بلدي
لبســت مرة التـوب الوردي
أو يوم سلمت من متعـــدي
أو مظلوم نال حقه في عهدي
ده الإسكان دايمـاً متــردي
ومافيـش حد اتعرض قـدي
م الخفافيش للظلـم الفردي

*****



بيـع بيـع بيـع
بيـع بيـع بيـع قد ما تقدر بيـع
بيع أرض المساكين وابني عليها ابراج
واجمع في الملايين ولا تديـش محتاج
داحنا يدوب ساكنين عشه صفيح أو صاج
لف علينا يا زين من حوالينا سيـاج
بيع حتي الجبابين واعمل عضمها عاج
الناس في الأربعيـن رايحيين جايين أفواج
مش عارفه تشكي لمين والشكوي بميت كرباج
خليك يابو قلب متين ولا قلب ابو الحجاج
قراقوش يا صلاح الدين لابس علي طول التاج
يا سوايسه يا غرقانين عايشين تحت الأمواج
باحلم وانا قلبي سجين مستني في يوم إفراج
بيــع بيــع بيـع قد ما تقدر بيـــع
اللي عملته ف بلدي أســوأ م التطبيــع
سيف البتر ف جلدي شغال في التقطيع
والسكاكين لو تدري نهبه بشكل فظيع
خليك واقف دايمــاً ذي السد منيـع
قدام حلـم الفقــرا والايام بتضيـــع
لأ ماتقولشي سوايسه قول حبة جرابيـع
عاوزين بس مسايسة ذى ما ترعي قطيع
مش ح تلاقي ف بلدي زي الشعب مطيع
بس اسمحلي لوحدي راح اصور واذيع
لو ح تقوللي اسمم ح اشرب سم نقيع
واخرس مش ح اتكلم وابقي رزين ومطيع
*****
أصل الحاله الخاصه ** ما فيهاش أي هزار
مش أبحاث في الرصة ** نايمه تحت غبـار
خمسين قصة وقصة ** شاربة العيشة مرار
وعيونك مش باصه ** ليـها يا رب الدار
أرجوك بص البصة ** خليـك م الأخيـار
لو ح نموت في منصه ** أو ح نموت في الدار
يبقي الخير ليك حصة ** ح تنجيك م النـار
إدى الحالة الخاصـة ** وقت وجهــد ودار
إدى الحالة الخاصـة ** وقت وجهــد ودار
*******
انا مسئول عن اي بيان ينشر عني في الديوان
يصدر عني ف اي مكان أي وزير كان للإسكان
منذ الثورة وحتي الآن مطلوب فوراً للسجان
بعد محاكمه ف قلب ميدان ليه الأزمة في البنيان
واحنا بلدنا في خير وامان لو ح نقسم ارض بلدنا
يبقي الفرد بميت فدان
اما ان قلنا الرمله ياناس تلقي الرمله في كل مكان
عزنا حديد أو حتي نحاس من سينا حتي أسوان
والشركات في طريق حلوان فيه اسمنت وصلب كمان
والعمال في كل مجــال مهره وبأرخص أثمـان
ليه الوزرا بتوعنا زمان سابوا الشعب بتاعنا مهان
والفقرا ساكنين في مقابر وفضايح اشكـال والوان
أمي واختي في قلب صفايح والمستور في الريح عريان
اصل الباشا ماكانشي ف باله أو أعمـاله وزير اسكان
لو بالعدل نأمم بيته ** ويسكن خيمه في وادي فيران
***
سيدة الديوان
سيدة الديوان الأولـي *** تتربع عرش الإسكان
فحمامة قد زرع الفولة *** تتصنـع كل الآلـوان
فاتنة في الغش مهوله *** تعطيك الوعد البهتان
لا تصدق أبداً بمقوله *** أو تعطي صحيحأ ببيان
أعوام خمس تماطلني *** وتقول بأمر السلطان
وبنصل السيف تقاتلني *** لأفوز بهذا الخسران
قد ضاع الحلم ولن أسكن *** في شقة فيها جدران
والحلم الباقي لو أمكن *** لي تربة تحوي الأكفان
***
أملاك الدولة فين
أملاك الدولة فين معصوبة ليه العين
من يوم م السكة اتشالت زادت حبة فدادين
طلعت أبراج وعماير واتباعت بالملايين
العقد يقولك خمسة والعقل يقول خمسين
ازاي الأرض اتنهبت في بلدنا في غمضة عين
******

بدر البدور بدور
بدر البدور بدور *** فوق العلا مشهور
حاجز لأحبابــــه *** ولنفسه أجمل دور
واقف علي بابـــه *** ليا سنين وشهور
وان رحت لعتابه *** يطفي عليا النــور
أهل السويس خابوا *** والشقة لأهل الطور
مسئوله لجنـــابه *** بتقوللي يا مغرور
بحثك إذا صابـــه *** شقه وجاله الدور
يبقي ماليش لازمه *** أفضل بتالت دور
دشي الماجور يا مه ** ع الغش والمستور
انزاحـت الغمـــه *** واتكسـر البنـور
قال جي في العتمه **** يسرق خيوط النور
يركب علي الكلمــه **** ويعدي بيها بحور
وينادي في اللمـــه **** والقلب عنده جسور
الفتحه ع الضمــه **** والشقه في المحظور
بحثـي أنا لمــــا **** جالك يقول في سطور
غرفه حبيس ضلمه *** بسكنها ذي قبــــور
عظمه علي عظمه **** يا بـدر يا بـــدور
مين قالك استعمي **** للشاعر المشعور
وتلبسه العمـــه **** وتحطه تحت ماجور
وتخمه في القسمه **** وتلف بيه وتدور
طمعك عمل أزمه **** ووقعت في المحظور
لو تنهش اللحمه **** يا بــدر يا بـــدور
ما ترمليش عضمه **** وارميلي قلب ماسور
أصلي ما نيش خمه *** ولا ح ابقي تحت ماجور
دشي الماجور يا اما **** ع الغش والمستـور

********

احمد عبد الحميد عبد الجواد الشاعر السويسي
موظف بكلية التعليم الصناعي بالسويس
0125551698